(मुंबई )
खोपोलीजवळील बोरघाटात कंटेनरने एका खाजगी बसला मागून धडक दिल्याने मोठा अपघात झाला. या अपघातात एकजण ठार तर 3 गंभीर, 12 जखमी झाले आहेत. पुण्यावरून मुंबईकडे जाणाऱ्या लेनवर हा अपघात झाला आहे. अपघातामुळे एक्स्प्रेसवर वाहतुकीची कोंडी झाली. ही खासगी बस सिंधुदुर्गातून लग्न आटोपून पुण्याच्या दिशेने जात होती. यावेळी खोपोलीजवळ बसला कंटेनरने धडक दिली.
हा अपघात इतका भीषण होता की, बसच्या मागील भागाचा चक्काचूर झाला आहे. तर कंटेनरचेही मोठे नुकसान झाले आहे. बस मध्ये एकूण 35 प्रवासी होते. या अपघातात बस चालकाचा मृत्यू झाला आहे. तसेच 3 प्रवासी अत्यवस्थ तर, एक गंभीर जखमी आहे. जखमींना पनवेलच्या एमजीएम हॉस्पिटलमध्ये दाखल करण्यात आले आहे. 10 ते 12 किरकोळ जखमीं असल्याची माहिती मिळत आहे.
