साखरपा येथील गांधी विद्यालयाच्या साक्षी कोरे चे शिष्यवृत्ती परिक्षेत यश

(देवळे /वार्ताहर)

संगमेश्वर तालुक्यातील तू. ग. गांधी विद्यालय कोंडगाव साखरपा येथील विद्यार्थीनी कु. साक्षी सुनील कोरे हिने आठवी शिष्यव्रत्ती परीक्षेत मागासवर्गीयामध्ये संगमेश्वर तालुक्यात प्रथम तर जिल्ह्यात पाचवा क्रमांक प्राप्त केला आहे. तिच्या यशाबद्दल बोलताना तिने मुख्याध्यापिका सौ. रेमणे, शिक्षक श्री. बांडागळे, श्री. कांबळे व आई वडिलांचे मार्गदर्शन लाभल्याचे सांगितले.

साक्षी च्या उज्वल यशाची दखल घेऊन प्रा. आबा सावंत महाविदयालयाचे प्राचार्य डॉ. विश्वास पाटील, उप प्राचार्या सौ. शिल्पा वैद्य, संस्थेच्या संचालिका सौ. गीतांजली सावंत, सर्व प्राध्यापक वर्ग, शिक्षकेतर कर्मचारी यांनी भेटवस्तू व पुष्पगुच्छ देऊन सत्कार केला.
तिच्या यशाबद्दल ग्रामस्थ, परिसरातील शिक्षकवृंद यांनी अभिनंदन केले.