(संगमेश्वर)
तालुक्यातील नावडी येथील उद्योजक श्री. अभय गद्रे यांनी त्यांच्या पागआळी येथील निवासस्थानी असुर्डे (तालुका चिपळूण) येथील सामाजिक कार्यकर्ते सुरेश साळवी यांचा उपस्थित मान्यवरांच्या हस्ते पुष्पहार, शाल-श्रीफळ देऊन सन्मान केला.
या सदिच्छा भेटीत श्री. सुरेश साळवी यांच्या शुभहस्ते संगीत अलंकार पदवी प्राप्त कुमारी निहाली गद्रे हीचा पुष्पगुच्छ देऊन सन्मान केला. तसेच विविध खेळात सहभाग घेऊन अग्रेसर असलेली खेळाडू व बुरंबी येथील दादासाहेब सरपरे विद्यालयाची विद्यार्थिनी कुमारी श्रावणी मोहन चव्हाण हीचा देखील भेटवस्तू आणि पुष्पगुच्छ देऊन सन्मान करण्यात आला. यावेळी पत्रकार मुजीब खान, नियाज खान, दिप्ती गद्रे, ओम गद्रे आदी आदी उपस्थित होते.
