(संगमेश्वर / वार्ताहर)
संगमेश्वर पोलीस निरीक्षक पदाचा कार्यभार श्री. नीलकंठ बगळे यांनी स्वीकारला असून विविध सामाजिक आणि राजकीय पदाधिकाऱ्यानी त्यांचे स्वागत केले. यावेळी पत्रकार मकरंद सुर्वे व दीपक भोसले यांनी पुष्पगुच्छ देऊन त्यांना शुभेच्छा दिल्या. तसेच संगमेश्वर तालुका पत्रकार संघटनेच्यावतीनेही त्यांचे स्वागत करून शुभेच्छा देण्यात आल्या.
लोकसभा निवडणुकीच्या पार्श्वभूमीवर संगमेश्वर पोलीस ठाण्याचे पोलीस निरीक्षक सुरेश गावित यांची सिंधुदुर्ग मध्ये बदली झाली आहे. तसेच देवगड पोलीस ठाण्याचे पोलीस निरीक्षक नीलकंठ बगळे यांची संगमेश्वर पोलीस ठाणे पोलीस निरीक्षक पदी बदली झाली, त्यांनी नुकताच पदभार स्वीकारला आहे.
