( संगमेश्वर / प्रतिनिधी )
गोवा राज्यात २७ नोव्हेंबरला पार पडलेल्या राष्ट्रीय पातळीवरील कराटे स्पर्धेत कोंडगाव बाईंग वाडी येथील सोहम संदीप सावंत याने १० वर्षाखालील गटात सुवर्णपदक पटकावले. त्याने प्रतिस्पर्ध्याला चीत करीत अंतिम सामन्यात विजय प्राप्त केला.
सोहम हा डी. के. इंग्लिश मिडीयम स्कूलचा इयत्ता 5 वी मधील विद्यार्थी आहे. त्याला कराटे मार्गदर्शन श्री. साळुंखे सर यांचे लाभले आहे. त्यांच्या मार्गदर्शानाखाली तो या खेळाचे धडे गिरवत आहे. भविष्यात त्याला या यशामुळे नेपाळ येथील स्पर्धेत खेळण्याची संधी प्राप्त होणार आहे. त्यासाठी तो मेहनत घेत आहे. त्याला ग्रीन बेल्ट प्राप्त झाला आहे. स्वतःचे संरक्षण करण्यासाठी आणि धाडशी खेळ असल्याने मला तो अधिक आवडतो असे सोहमने सांगितले. तसेच भविष्यात या खेळात चांगल्या प्रकारचे कसब आत्मसात करणार असे बोलून दाखवले. आठवड्यातील दोन दिवस कराटे खेळाचा कसून सराव करत असल्याचे सोहम म्हणाला. त्याचबरोबर वडील संदीप सावंत व सर्व कुटूबियांचे मार्गदर्शन लाभत आहे. त्याच्या यशाबद्दल साखरपा कोंडगाव परीसरातून अभिनंदन होत आहे.
