शुगर कंट्रोल करायची असेल तर ‘या’ घरगुती गोष्टींचे करा सेवन

(आरोग्य)

सध्या डायबिटीज हा एक मोठा आजार बनला आहे. या आजराने बरेचजण त्रस्त आहेत. हा आजार झालेल्या लोकांची संपूर्ण जीवनशैलीच बदलून जाते. आहारातदेखील खूप बदल करावे लागतात. यामुळे डायबिटीज  रुग्ण खूप चिंतेत असतात. मधुमेह हा आता एक सामान्य आजार बनत चालला आहे. या आजारावर अद्याप कोणताही ठोस इलाज सापडलेला नाही. पण काही आयुर्वेदिक आणि घरगुती उपायांनी रक्तातील साखर मात्र नियंत्रित ठेवता येते. मधुमेह असलेल्या लोकांच्या आहारावर अनेक निर्बंध आहेत. अशा परिस्थितीत माणसाला आपला आहार अत्यंत काळजीपूर्वक निवडावा लागतो. त्याच वेळी, काही लोकांचा असा विश्वास आहे की मधुमेहींनी लसणाचे नियमित सेवन केले पाहिजे. याने रक्तातील साखर नियंत्रित राहण्यास मदत होते.

धणे
डायबिटीज असल्यास तुम्ही धणे सेवन करू शकता. ते स्वादुपिंडाच्या पेशींना जास्त इन्सुलिन तयार करण्यास मदत करतात. याशिवाय धण्यांच्या सेवनाने शरीरातील रक्तातील शुगर काढून टाकण्यास मदत होते.

दालचिनी
शुगर कंट्रोल करण्यासाठी तुम्ही दालचिनीचा वापर करू शकता. दालचिनी शरीरातील इन्सुलिनची सेन्सिटिव्हिटी वाढवते आणि शुगर लेव्हल कंट्रोल करण्यास मदत करते.

मेथीदाणे
शुगर कंट्रोल करण्यासाठी तुम्ही मेथीच्या दाण्याचे सेवन करू शकता. यामध्ये नैसर्गिक अमीनो अ‍ॅसिड फॉर-हायड्रॉक्सी आयसोलॅट असते, जे शरीराच्या पॅनक्रियाज आयलेट पेशींमध्ये ग्लुकोजद्वारे उत्तेजित इन्सुलिनचे प्रमाण वाढवते.

मशरूम 

भारतीय बाजारपेठेत मशरूमच्या अनेक प्रजाती उपलब्ध आहेत.मशरूममध्ये जीवनसत्त्वे, खनिजे आणि अमीनो ऍसिड असतात. यामुळेच आरोग्याच्या दृष्टीने मशरूमला रामबाण औषध मानले जाते. मधुमेहींसाठीही मशरूम खूप फायदेशीर आहेत. मशरूममध्ये साखर अजिबात नसते. मशरूमच्या सेवनाने शरीरातील इन्सुलिनचे प्रमाण संतुलित राहण्यास मदत होते. याशिवाय, हेल्थ लाइननुसार, मशरूम त्वचेसाठी देखील खूप फायदेशीर आहे. मशरूममध्ये एंटी-एजिंग गुणधर्म असतात. बाजारात अनेक प्रकारचे मशरूम उपलब्ध आहेत. त्यापैकी सुमारे १२ ते १५ हानिकारक आहेत. यामध्ये चमकदार रंगाचे मशरूम सर्वात विषारी मानले जातात. म्हणून, पुढच्या वेळी मशरूम निवडण्यापूर्वी, तुम्हाला तुमच्यासाठी सर्वोत्तम आणि फायदेशीर मशरूम निवडण्यात काळजी घ्यावी लागेल.

कांदा

कांद्याचे सेवन केल्याने रक्तातील साखर नियंत्रणात राहते. कांद्याचा अर्क रक्तातील साखर ५०% कमी करतो. मधुमेहाच्या रुग्णांनी कांद्याचे सेवन केल्यास रक्तातील साखर नियंत्रणात राहते. रक्तातील साखर नियंत्रित करण्यासाठी कांदा हा सर्वात स्वस्त आणि प्रभावी मार्ग आहे. मधुमेहाच्या रुग्णांनी फायबर युक्त कांद्याचे सेवन केल्यास रक्तातील साखर नियंत्रणात राहते. कांद्यामध्ये क्रोमियम असते जे रक्तातील साखर नियंत्रित ठेवण्यास मदत करते.

लसूण

लसूण केवळ रक्तातील साखरेची पातळी नियंत्रित करण्यातच नव्हे तर टाइप 2 मधुमेह रोखण्यात देखील सक्रिय भूमिका बजावते. लसणात भरपूर झिंक आणि नैसर्गिक अँटिऑक्सिडंट असल्याने रक्तातील साखरेची पातळी कमी होते. कार्बोहायड्रेट्स त्वरित मेटाबॉलिज़्म वाढवतात. कार्बोहायड्रेट थेट रक्तातील साखरेमध्ये तीव्र वाढ करतात आणि लसणाचे सेवन ही साखर नियंत्रित करण्यासाठी उपयुक्त आहे. अमिनो अॅसिड होमोसिस्टीन नावाचे संयुग मधुमेहासाठी धोकादायक घटक आहे. लसणाचे दीर्घकाळ सेवन केल्याने शरीरातील हे संयुगे कमी होतात. जगभरातील पोषणतज्ञांना संधिवात, क्षयरोग, दमा, उच्च कोलेस्ट्रॉल आणि इतर आजारांवर उपचार करण्यासाठी लसूण खूप प्रभावी असल्याचे आढळले आहे. संशोधनानुसार लसणात आढळणारे एलिसिन आणि इतर संयुगे रक्तातील इन्सुलिनची पातळी वाढवतात.

‘ही’ ५ लक्षणे दिसल्यास ताबडतोब सावध व्हा

जेव्हा शरीरात इंसुलिन योग्य प्रकारे तयार होत नाही, तेव्हा शुगरची समस्या उद्भवते. त्यामुळे या आजारात ज्या पदार्थांमध्ये साखरेचे प्रमाण जास्त असते अशा पदार्थांचे सेवन करण्यास मनाई केली जाते. जर तुम्हाला वारंवार भूक आणि तहान लागत असेल, तुम्हाला गरजेपेक्षा जास्त वेळा लघवी करावी लागत असेल, तुमच्या डोळ्यासमोर अचानक अंधार येत असेल, तुमचे हात पाय बधीर होत असतील आणि अचानक थकवा जाणवत असेल, जखमा बऱ्या व्हायला खूप वेळ लागत असेल. ही टाइप २ मधुमेहाची लक्षणे असू शकतात.