अभिनेत्री अनुष्का शर्मा आणि भारताचा दिग्गज फलंदाज विराट कोहली यांची जोडी कमालीची लोकप्रिय आहे. बॉलिवूडसोबतच क्रिकेट विश्वातील सर्वांची आवडती जोडी म्हणून अभिनेत्री अनुष्का शर्मा आणि क्रिकेटपटू विराट कोहली ओळखले जातात. त्यांच्या खासगी आयुष्याविषयी जाणून घेण्यासाठी सर्वजण उत्सुक असतात. आता त्यांच्या चाहत्यांसाठी आनंदाची बातमी आहे. तीन जणांचा असलेला कोहली परिवार आता चार जणांचा होणार आहे. अनुष्का, विराट आणि वामिकाच्या आयुष्यात नव्या पाहुण्याचे आगमन होणार आहे. विराट-अनुष्काच्या आयुष्याबाबत अधिक जाणून घेण्यास चाहते नेहमी उत्सुक असतात. दरम्यान, विराट कोहलीच्या घरी दुसऱ्यांदा गुड न्यूज येणार असल्याचे निश्चित मानले जात आहे. कारण अनुष्का दुसऱ्यांदा आई होणार आहे.
पिंक व्हिला या इन्स्टाग्राम पेजवरुन अनुष्का आणि विराट एकत्र जात असतानाचा व्हिडिओ शेअर करण्यात आला आहे. ‘अनुष्का शर्मा – विराट कोहलीला मागील काही दिवसांत मुंबईतील एका रुग्णालयाबाहेर स्पॉट करण्यात आलं होतं. जिथे दोघांनीही पॅपराझींना त्यांचे फोटो शेअर न करण्याची विनंती केली होती. शिवाय, हेदेखील म्हटले होते की, दोघे लवकरच स्वत: अधिकृतपणे घोषणा करतील. गेल्या काही दिवसांपासून अनुष्का सार्वजनिक ठिकाणी आयोजित केलेल्या कार्यक्रमांना येणे टाळत आहे. त्यामागील कारण ती प्रेग्नंट असल्याचे म्हटले जात आहे.
अनुष्का आणि विराटने अजूनही पहिली मुलगी वामिकाचा चेहरा सर्वांना दाखवलेला नाही. त्यांनी मीडियाला विनंती केली होती कृपया आमच्या मुलीचा चेहरा दाखवू नका. विराटने एका मुलाखती सांगितले होते की, ‘आम्ही आमच्या मुलीचा चेहरा दाखवायचा नाही हे ठरवले आहे. ती जेव्हा मोठी होईल आणि सोशल मीडियावर येण्यास तयार होईल तेव्हा तिचा चेहरा आम्ही दाखवू.’ अनेकदा विराट आणि अनुष्का मुलीसोबत असतात तेव्हा तिचे फोटो काढू नका अशी विनंती करतात. फोटोग्राफर्स देखील त्यांच्या विनंतीचा मान ठेवतात.
या कपलने आपल्या घरात गणपतीची प्रतिष्ठापना देखील केली होती. त्याचे फोटोजदेखील सोशल मीडियावर अपलोड केले होते. भारतीय पोषाखात अनुष्का शर्मा खूप सुंदर दिसत होती. अनुष्का शर्माने काही दिवसांपूर्वी ‘चकदा एक्सप्रेस’ चित्रपटाचे शूटिंग पूर्ण केले आहे. चित्रपटामध्ये ती माजी भारतीय क्रिकेटर झूलन गोस्वामीच्या भूमिकेत आहे.
