(खेड)
खेड शहरातील केशवराव भोसले सभागृह, मराठा भवन येथे महाराष्ट्र नवनिर्माण सेनेचे महाराष्ट्र राज्य सरचिटणीस तथा मा.नगराध्यक्ष श्री. वैभव खेडेकर, एम. जे एफ ला.राजेंद्र शहा (कांसवा), व्दितीय उपप्रांतपाल ला. डॉ. विरेंद्र चिखले यांच्या प्रमुख उपस्थितीत लायन्स क्लब ऑफ खेड सिटीचे नूतन अध्यक्ष ला. श्री. रोहन विचारे, सचिव ला. श्री. सुरेश चिकणे, खजिनदार ला. श्री. अनिल मोरे व त्यांच्या नूतन कार्यकारणी मंडळाचा शपथविधी व पदग्रहण सोहळा पार पडला. यावेळी लायन्स क्लब ऑफ खेड सिटीचे पदाधिकारी व सदस्य अशा ४२ मान्यवरांना विविध पुरस्कार देऊन गौरवण्यात आले. या सर्व पुरस्कार प्राप्त सहकाऱ्यांना महाराष्ट्र नवनिर्माण सेना खेडतर्फे शुभेच्छा देण्यात आल्या.
यावेळी सामाजिक कार्यात उल्लेखनीय कामगिरीबद्दल लक्ष्मी मिलचे मालक विलासभाई बुटाला यांना लायन्स क्लबच्यावतीने जीवन गौरव पुरस्काराने गौरविण्यात आले. याप्रसंगी खेड क्लबच्या वतीने समाज सेवेचा वसा घेऊन आपले काम करता करता इतरांच्या मदतीला धावून जाणाऱ्या अनेकांचा सत्कारही करण्यात आला. लायन्स क्लब खेड सिटीने मागील वर्षात डिस्ट्रिक्टमध्ये उत्तम कार्य करून क्लबला एका उंचीवर नेवून ठेवले त्याचे संपूर्ण श्रेय तत्कालीन अध्यक्ष डाॅ. विक्रांत पाटील असून त्यांच्या संपूर्ण टीमला मान्यवरांच्या हस्ते गौरविण्यात आले.
यावेळी उपस्थित मनसे नवनियुक्त शहराध्यक्ष श्री. ऋषिकेश कानडे, मनविसे मा. महाराष्ट्र राज्य उपाध्यक्ष शैलेश धारीया, मा.जिल्हाध्यक्ष भालचंद्र उर्फ नंदु साळवी, मा. नगराध्यक्ष अरविंदशेठ तोडकरी, रिजन चेअरमण एम.एम.आय.एफ. ला. डाॅ. विजय रेळकर, झोन चेअरमन ला. मनोहर जैन, चिपळूण चे उद्योगपती वसंत उदेग, मंडणगड उद्योजक दीपक घोसाळकर, मावळते अध्यक्ष डाॅ. विक्रांत पाटील, सचिव अमोल मोरे, खजिनदार मिलिंद तलाठी,ला. पंकजभाई शहा, बापू शिलेवंत, जेसी क्लबचे पदाधिकारी, पारसभाई जैन, लायन्स क्लब चिपळूण चे पदाधिकारी, लायन्स क्लब दापोलीचे पदाधिकारी, मान्यवर उपस्थित होते.
