(जाकादेवी/वार्ताहर)
श्री.विठ्ठलराव जोशी ट्रस्टचे क्रीडा संकुल डेरवण येथे रत्नागिरी जिल्हा सब ज्युनिअर डॉजबॉल अंजिक्यपद स्पर्धा व निवड चाचणी महाराष्ट्र राज्य डॉजबॉल यांच्या मान्यतेने रत्नागिरी डॉजबॉल मार्फत घेण्यात आली. या स्पर्धेत खंडाळा इंग्लिश मिडियम स्कूलचा इ.९ वी मध्ये शिकणारा ऋतुराज जाधव याने डॉजबॉल स्पर्धेत चमकदार कामगिरी केल्याने जिल्हा संघातून बत्तीस शिराळा येथे होणाऱ्या राज्यस्तरीय स्पर्धेसाठी त्याची खेळाडूची निवड करण्यात आली आहे.
ऋतुराज जाधव याला अभ्यासाबरोबरच चित्रकलेची आणि क्रीडाक्षेत्रात कमालीची अभिरुची आहे. त्याने डॉजबॉल खेळाचा चांगल्या प्रकारे सराव करून स्पर्धेत उल्लेखनीय कामगिरी करून दाखवली. ऋतुराजला क्रीडाप्रशिक्षक राजेश जाधव यांनी मौलिक मार्गदर्शन केले. तर ग्रामविकास मंडळ वाटद मिरवणे संस्थेचे संस्थापक विष्णुदत्त निमकर, अध्यक्ष संतोष निंबाळकर, स्कूल कमिटी अध्यक्ष बाळ जोग, सचिव सुधाकर शिर्के, सी.ई‌ओ. कारखानीस, मुख्याध्यापक आशिष वासावे, एम.के.शितप सर्व संस्थेचे पदाधिकारी,शिक्षक, शिक्षकेत्तर कर्मचारी यांनी ऋतुराजचे खास अभिनंदन करून राज्यस्तरीय स्पर्धेसाठी शुभेच्छा दिल्या.
