( राजापूर / प्रतिनिधी )
राजापूर तालुक्यातील आडिवरे गावचे सुपुत्र उमाशंकर (बाळ) दाते याना जागतिक दर्जाच्या अश्या G20 summit 2023 च्या सांस्कृतिक कार्यक्रमात सहभागी होऊन आपली कला सादर करण्याची संधी मिळाली आहे. त्यांच्या या यशामुळे त्यांच्यावर अभिनंदनाचा वर्षाव करण्यात येत आहे.
उमाशंकर दाते हे राजापूर हायस्कुलमध्ये कलाशिक्षक असुन त्यांनी कालबाह्य झालेल्या रिड ऑर्गन या वाद्याच्या पुननिर्मितीला १० वर्षापुर्वी सुरुवात केली व त्यात यश मिळवले. जुन्या शास्त्रिय संगित नाटकान्मध्ये या रिड ऑर्गनचा वापर केला जायचा, मात्र काळाच्या ओघात हे रिड ऑर्गन कालबाह्य झाले होते. उमाशंकर दाते यानी या कालबाह्य झालेल्या रिड ऑर्गनला पुन्हा जिवनदान देण्यात यश मिळवले आहे. सध्या त्यानी बनवलेले हे रिड ऑर्गन देशाबाहेर जात आहेत.
उमाशंकर दाते हे स्वत: या रिड ऑर्गनचे उत्कृष्ट वादक आहेत. त्यानी खुप मेहनतीने व जिध्दीने यामध्ये प्राविण्य मिळवले आहे . त्यामुळेच त्याना सध्या दिल्ली येथे होत असलेल्या जी २० कार्यक्रमात आपली कला सादर करण्याची संधी मिळाली आहे.
आडिवरे सारख्या छोट्या खेडेगावातून ते जगातील प्रमुख 20देशाच्या प्रमुखांसमोर जाऊन आपली ओळख दाखवणे हे खूप मेहतीने आणि जिद्दीने शक्य होते, त्यामुळे त्यांच्यावर अभिनंदनाचा वर्षाव होत आहे.
