( राजापूर / प्रतिनिधी )
तालुक्यातील आडवली पुजारवाडी येथे रेल्वेतून पडून तरुणाचा मृत्यू झाल्याची घटना 27 नोव्हेंबर रोजी सकाळी 11.20 वा. च्या सुमारास घडली. रुपेश गोवर्धन चौहाण (25, उत्तरप्रदेश) असे मृत्यू झालेल्या तरुणाचे नाव आहे.
पोलिसांनी दिलेल्या माहितीनुसार, रुपेश हा रेल्वेने प्रवास करत असताना आडवली पुजारीवाडी येथे रेल्वेतून तोल जाऊन खाली पडला. त्याला उपचारासाठी ग्रामीण रुग्णालय, राजापूर येथे दाखल केले असता डॉक्टरांनी तपासून मयत घोषित केले. याबाबत राजापूर पोलीस स्थानकात आकस्मिक मृत्यूची नोंद करण्यात आली आहे.
