राजापूर तालुक्यातील मुंबई-गोवा महामार्गावरील खरवते फाटा येथे रस्त्यानजीक मृतावस्थेतील गवा रेडा आज आढळून आला. महामार्गाने जाणाऱ्या अज्ञात वाहनाच्या धडकेमध्ये गंभीर जखमी झाल्याने त्याचा मृत्यू झाल्याचा प्राथमिक अंदाज आहे. सुमारे चार वर्षे वयाचा नर जातीचा हा गवा रेडा असून त्याची लांबी २९० सेंमी. तर, उंची १४२ सेंमी आहे. शिंगे ४८ सेंमी लांब असल्याची माहिती वन विभागाकडून देण्यात आली.
