(रत्नागिरी / प्रतिनिधी)
मिरजोळे ते करबुडे रस्त्याने दुचाकीवरून भरधाव वेगाने जाणार्‍या दुचाकीस्वाराने वेतोशी येथे म्हशीला जोरदार धडक दिली. या धडकेत या धडकेत म्हैस जखमी झाली असून दुचाकीस्वारही जखमी झाला आहे. तसेच दुचाकीचे मोठया प्रमाणात नुकसान झाले आहे. अंकुश अनंत घाणेकर असे जखमी झालेल्या आणि गुन्हा दाखल करण्यात आलेल्या दुचाकीस्वाराचे नाव आहे.
ही घटना 6 डिसेंबर रोजी रात्री 11.15 वाच्या सुमारास घडली. याबाबची फिर्याद पोलीस हेडकॉन्स्टेबल विनायक अनिरुध्द राजवैद्य यांनी रत्नागिरी ग्रामीण पोलीस ठाण्यात दिली. त्यानुसार दुचाकीस्वार अंकुश घाणेकर याच्यावर भरधाव वेगाने दुचाकी चालवून स्वतःच्या दुखापतीस कारणीभूत ठरल्याप्रकरणी भादविकलम 279, 337, 338 मोटर वाहन कायदा कलम 184 नुसार गुन्हा दाखल करण्यात आला आहे. अधिक तपास पोलीस करत आहेत.
