(रत्नागिरी/ प्रतिनिधी)
शहरालगतच्या भाट्ये झरी विनायक मंदिराच्या समोरील रस्त्यावर वारंवार अपघाताच्या घटना घडत आहेत. नुकताच काही वेळापूर्वीच ट्रक आणि छोटा हत्ती यांच्या अपघात झाला आहे. अपघाताची भीषणता इतकी आहे की छोटा हत्ती ट्रक खाली पूर्णपणे चेपला गेला आहे. मालवाहू ट्रक पावस हून रत्नागिरीच्या दिशेने जात असताना रत्नागिरी वरून पावसच्या दिशेने येणाऱ्या छोटा हत्तीची समोरासमोर जोरदार धडक झाली. या धडकेत छोटा हत्ती मधील 3 जण जखमी झाले आहेत. जखमींमध्ये एक महिला आणि दोन पुरुषांचा समावेश आहे. गालिफ पांढरे (45, पूर्णगड), प्रजाली प्रताप पेटकर (पूर्णगड) अशी जखमिंची नावे आहेत. तर एक जण छोटा हत्ती टेम्पो मध्ये अडकून पडला आहे. त्याला बाहेर काढण्याचे प्रयत्न सुरू आहेत.
अपघाताची माहिती मिळताच रत्नागिरी पोलिस घटनास्थळी दाखल झाले आहे. जखमींना उपचारासाठी सिव्हील हॉस्पिटल रत्नागिरी येथे दाखल करण्यात आले. अधिक उपचार सुरू आहेत.
