( रत्नागिरी )
ओम साई स्पोर्टस् आयोजित रत्नागिरी चॅम्पियन्स ट्रॉफी २०२३ जिल्हास्तरीय टेनिस बॉल क्रिकेट स्पर्धेला गोगटे जोगळेकर कॉलेज, जवाहर मैदान रत्नागिरी येथे नुकतीच सुरू झाली आहे. या स्पर्धेचे उद्घाटन गोगटे जोगळेकर कॉलेज कार्यवाहक सतिश शेवडे यांच्या हस्ते श्रीफळ वाढवून करण्यात आले.
यावेळी कॉलेज प्राचार्य पी पी कुलकर्णी, प्राध्यापक आनंद आंबेकर, क्रीडाशिक्षक डॉ. विनोद शिंदे, शिक्षक बापू गवाणकर, रत्नागिरी जिल्हा क्रिकेट असोसिएशन सचिव बिपिन बंदरकर, कार्याध्यक्ष बाळू साळवी, उपाधक्ष दीपक मोरे, सईद मुकादम, दीपक पवार, पराग सावंत उपस्थित होते.
या स्पर्धेत जिल्ह्यातील २४ संघांनी सहभाग घेतला असून, टेनिस क्रिकेट मधील रत्नागिरी जिल्ह्यातील दिगग्ज खेळाडूंचा खेळ अनुभवायला मिळणार आहे. या स्पर्धेतील अंतिम विजेता संघाला ५० हजार रोख रक्कम व चषक, उपविजेता संघाला २५ हजार रोख रक्कम व चषक देऊन गौरवण्यात येईल. तसेच उत्कृष्ट फलंदाज, उत्कृष्ट गोलंदाज, उत्कृष्ट क्षेत्ररक्षक, अंतिम सामन्यातील सामनावीर व स्पर्धेतील मालकीवीर यांना प्रत्येकी ५ हजार रोख रक्कम व चषक देऊन गौरवण्यात येईल. या स्पर्धेतील विजेत्या संघ ओम साई स्पोर्ट्सच्या स्पर्धेत १६ जानेवारी ते २१ जानेवारीमध्ये संपन्न होणाऱ्या राज्यस्तरीय नाईट क्रिकेट स्पर्धेसाठी पात्र ठरेल.
