(मकरंद सुर्वे / संगमेश्वर )
मुंबई गोवा महामार्गावर गुजरात वरून रत्नागिरीकडे निघालेल्या लाकडी सामान नेणाऱ्या टायर ट्रकला अचानक भीषण आग लागली. महामार्गावर रात्री १०.३० वाजता बर्निंग ट्रकचा हा थरार झाला. आगीत ट्रक ड्रायव्हर व किन्नर यांनी आपला जीव वाचविला. ही घटना मुंबई गोवा महामार्गावर सावर्डे येथे घडली. त्यावेळी आजूबाजूच्या लोकांनी त्वरित येऊन आग विझवाण्याचा प्रयत्न केला. तसेच सावर्डे पोलिसांनी धाव घेत त्वरित मदत केली. मात्र एक तास होऊन गेला तरी अग्नीक्षमकचा पत्ताही नसल्याने ट्रक आगीच्या भक्ष्यस्थानी पडला.
