( खेड / इक्बाल जमादार)
अतिवृष्टीमुळे मुंबई – गोवा महामार्गावरील खेडमधील लवेल येथे उड्डाणपूलाला भेगा पडल्या आहेत. तर रस्ताही खचल्याने राष्ट्रीय महामार्ग धोकादायक बनला आहे. वाहनचालकांच्या जिवाशी खेळण्याचा प्रयत्न करणाऱ्या ठेकेदारावर कायदेशीर कारवाई करावी. तसेच राष्ट्रीय महामार्ग सार्वजनिक बांधकाम विभागाने क्वालिटी कंट्रोलद्वारे चौकशी करावी अशी मागणी जनमानसातून होत आहे.
लवेल येथील उड्डाणपुलावरून बांधकाम दर्जाहीन केल्यामुळेच उड्डाणपूल पुलावरील रस्त्याला भेगा पडल्या आहेत. तर काही ठिकाणी रस्ताही खचला आहे. या महामार्गावरून अवजड वाहने सातत्याने ये-जा करीत असल्यामुळे हा महामार्ग धोकादायक बनला आहे. त्याचा फटका सर्वानाच बसणार आहे. याची दखल राष्ट्रीय महामार्गावरील सार्वजनिक बांधकाम विभागाने तत्काळ दखल घेऊन उड्डाणपूलावरील दर्जाहीन कामाची दुरूस्ती करून घ्यावी अशीही मागणी होत आहे.
