(जाकादेवी / वार्ताहर)
रत्नागिरी तालुक्यातील मालगुंड वाचनालयात थोर समाजसेविका क्रांतिज्योती सावित्रीबाई फुले यांची जयंती उत्साहात साजरी करण्यात आली.
प्रारंभी सावित्रीबाई फुले यांच्या प्रतिमेला पुष्पहार समर्पित करण्यात आला. हा जयंती कार्यक्रम बालिका दिन म्हणून अतिशय उत्साहात साजरा करण्यात आला. काय॔कमाला मालगुंड जीवन शिक्षण शाळा नं.१ या प्राथमिक शाळेतील विद्यार्थी व मुख्याध्यापिका नाईक उपस्थित होत्या. यावेळी उपस्थित मान्यवर यांनी शिक्षण प्रणेत्या, समाजसुधारक सावित्रीबाई फुले यांच्या जीवनातील अनेक प्रसंग कथन करून बहुमोल मार्गदर्शन केले.
सदरचा कार्यक्रम वाचनालयाचे अध्यक्ष व युवा नेते रोहित मयेकर यांच्या मार्गदर्शनाखाली संपन्न झाला.विशेष म्हणजे विद्यार्थी क्रांतिसूर्य महात्मा जोतिबा फुले, सावित्रीबाई फुले यांच्या वेशभूषेत असल्याने हा कार्यक्रम लक्षवेधी ठरला.यावेळी वाचनालयाचे वाचन बहुसंख्येने उपस्थित होते.
