(गणपतीपुळे / वैभव पवार)
रत्नागिरी तालुक्यातील मालगुंड येथील जिल्हा परिषद आदर्श जीवन शिक्षण प्राथमिक शाळा मालगुंड नंबर १ येथे रविवार दिनांक १० डिसेंबर रोजी जय शिवराय गुरुकुल कुपवाड, जिल्हा सांगली यांच्यामार्फत शिवकालीन युद्धकलेची प्रात्यक्षिके सादर केली जाणार आहेत. हा प्रात्यक्षिक कार्यक्रम जि. प. आदर्श जीवन शिक्षण शाळा मालगुंड नं 1येथे रविवार दि. 10 डिसेंबर 23 रोजी सकाळी 10.00 वाजता होणार आहे .
यामध्ये लाठी-काठी, तलवारबाजी, भालाफेक, लाठीयुद्ध, दांडपट्टा, चक्रीपाश, बीट्याशास्त्र तसेच लेझीम यांची भव्यदिव्य व चित्तथरारक प्रात्यक्षिके सादर होणार आहे. या प्रात्यक्षिक कार्यक्रमाचा लाभ सर्वांनी घ्यावा. तसेच विशेषतः लहान मुलांना आवर्जून हा कार्यक्रम दाखवावा, असे आवाहन शाळा व्यवस्थापन समिती आदर्श जीवन शिक्षण शाळा, मालगुंड नं 1यांचेवतीने करण्यात आले आहे.
