(गणपतीपुळे / वैभव पवार)
रत्नागिरी तालुक्यातील भगवतीनगर राजवाडी येथील आरसीसी क्रिकेट क्लबच्या वतीने शुक्रवार दिनांक 24 ते 27 मार्च या कालावधीत मर्यादित षटकांच्या भव्य ओव्हरआर्म क्रिकेट स्पर्धेचे आयोजन करण्यात आले आहे. भगवतीनगर राजवाडी येथील शेतमळा मैदान या ठिकाणी ही स्पर्धा मानाचा “भावकाय चषक” या नावाने आयोजित करण्यात आली असून या स्पर्धेमध्ये भगवतीनगर पंचक्रोशीतील मातब्बर संघांनी सहभाग घेतला आहे. या स्पर्धेचे उद्घाटन 24 मार्च रोजी भगवतीनगर राजवाडी येथील हॉटेल रविकिरणचे मालक तथा जेष्ठ सामाजिक कार्यकर्ते रविशेठ राजवाडकर व भगवतीगरच्या विद्यमान उपसरपंच श्रेया राजवाडकर यांच्या प्रमुख हस्ते करण्यात आले.
यावेळी उद्घाटन कार्यक्रमाला ठाकरे गट शिवसेनेचे माजी उपजिल्हाप्रमुख तथा मालगुंड तंटामुक्त समितीचे अध्यक्ष राजेंद्र शिंदे,भगवतीनगरचे माजी सरपंच पांडुरंग राजवाडकर, श्रीकांत राजवाडकर, संतोष राजवाडकर, संदीप राजवाडकर, बावा राजवाडकर, पत्रकार वैभव पवार, प्रशांत राजवाडकर, विनायक राजवाडकर शुभम राजवाडकर, वैभव राजवाडकर नितीन राजवाडकर सचिन मायंगडे आदींसह आरसीसी क्रिकेट क्लबचे सर्व सदस्य, खेळाडू व क्रिकेटप्रेमी नागरिक मोठ्या संख्येने उपस्थित होते.
या स्पर्धेचा पहिला उद्घाटनाचा सामना सामना गणपतीपुळे येथील चंडिका विरुद्ध मोरया चौक या दोन संघांदरम्यान खेळला गेला यांमध्ये मोरया चौक संघाने गणपतीपुळे संघावर मात करीत या स्पर्धेच्या उद्घाटन सामन्यात विजयी सलामी दिली त्यानंतर स्पर्धेमध्ये विविध बलाढ्य संघांचे सामने खेळले गेले. या स्पर्धेतील अंतिम विजेत्या संघाला रोख रुपये 11000 चे प्रथम पारितोषिक व मानाचा भावकाय चषक तर उपविजेत्या संघाला रोख रक्कम 7000 चे द्धितीय पारितोषिक देऊन गौरवण्यात येणार आहे.
ही स्पर्धा यशस्वी करण्यासाठी भगवतीनगर राजवाडी येथील आरसीसी क्रिकेट क्लबचे सर्व सदस्य मोठी मेहनत घेत आहेत.
