(खेड/इकबाल जमादार)
मुंबईकडून देवगड दिशेकडे जाणारी बोलेरो पिकअप (क्रमांक एम.एच.07/ एजे/2187) कशेडी घाटानजिक मौजे भोगाव संत तुकाराम मंदिर येथे रात्री 00.45 वा. आली असता जयगड ते ठाणे मुंबईकडे जाणारा ट्रक (क्रमांक एम/04/ एफपी/2287) यांच्यात समोरासमोर ठोकर होऊन अपघात झाला आहे.
पोलिसांनी त्वरीत घटनास्थळी धाव घेत मदतकार्य केले. या अपघातातील दोन्ही वाहनांची समोरासमोर जोरात ठोकर झाल्याने बोलेरो पिकअप मधील इसम तुषार प्रकाश चव्हाण (वय -24, रा. नारिंग्रे तालुका देवगड) व निलेश मनोहर शेटये (वय-36, या.मुंडगे, रा.देवगड) हे दोघे गंभीर दुखापत होऊन जागीच मयत झालेले आहेत. तसेच उमेश उमेश उत्तम कोरडे (वय- 24 राहणार देवगड) यांना गंभीर दुखापत झाली आहे.
अपघातातील दोन्ही वाहनांचेही मोठ्या प्रमाणात नुकसान झाले आहे. अपघातस्थळी अपघातातील दोन्ही वाहने रस्त्याचे बाजूला करून वाहतूक सुरळीत चालू करण्यात आली आहे. या प्रकरणी पोलीस अधिक तपास करीत आहेत.
