( संगलट-खेड / इक्बाल जमादार )
खेड तालुक्यातील महामार्गावर वेरळ गावानजीक शुक्रवारी पहाटे ५ वाजण्याच्या सुमारास तीन बैलांची निर्दयीपणे युटीलिटी जीपमधून वाहततूक केल्याप्रकरणी पोलिसांनी एकाला ताब्यात घेतले आहे.
या प्रकरणी घटनास्थळावरून मिळालेल्या माहितीनुसार, पोलिसांना गुरुवारी ता. ३ रोजी रात्री १० ते शुक्रवारी ता. ४ रोजी पहाटे ५ या मुदतीत मुंबई – गोवा महामार्गावर बैलांची अवैध वाहतूक केली जात असल्याची माहिती मिळाली होती. त्यानुसार पोलिसांनी शुक्रवारी पहाटे युटीलिटी पिकअप (एमएच ४३ एडी ४७४७) महामार्गावर वेरळ गावानजीक थांबवली असता त्यामध्ये तीन बैल निर्दयीपणे कोंबून वाहतूक करत असल्याची बाब निदर्शनास आल्यानंतर पोलिसांनी युटीलिटी व चालकाला ताब्यात घेतले. या प्रकरणी अधिक तपास पोलीस करत आहेत.
