(मुंबई)
‘बिग बॉस’मध्ये दरवर्षी नवीन प्रयोग करण्यात येतात. ‘बिग बॉस’चा १७वा सीझन लवकरच सुरू होणार आहे. ‘बिग बॉस ओटीटी’ महिनाभरापूर्वीच संपला, त्यानंतर लोक टीव्ही फॉरमॅटची वाट पाहत आहेत. अशा परिस्थितीत चाहत्यांसाठी एक आनंदाची बातमी आहे की, आता शो लवकरच सुरू होणार आहे. नुकताच या शोचा प्रोमो रिलीज झाला आहे, यावेळी हा शो खूपच रंजक असणार आहे.
‘बिग बॉस १७’ च्या प्रोमोनुसार सलमान यावेळी तीन अवतारांमध्ये पाहायला मिळणार आहे. प्रोमो व्हीडीओमध्ये सलमान खान या सीझनमध्ये होणा-या सर्वांत मोठ्या बदलाबद्दल बोलत आहे. ‘बिग बॉस’चा प्रत्येक सीझन नवीन फॉरमॅट आणि ट्विस्टसह पाहायला मिळतो, जो शोच्या स्पर्धकांसाठी आव्हानात्मक ठरतो.
नुकत्याच झालेल्या प्रोमोमध्येही सलमान खान या ट्विस्टबद्दल बोलताना दिसत आहे. तो स्पष्टपणे सांगत आहे की, येणारा सीझन खूप रोमांचक असणार आहे. सलमान खान त्याच्या एंट्रीसोबत सांगतो की, आतापर्यंत तुम्ही फक्त ‘बिग बॉस’चे डोळे पाहिले आहेत. आता बिग बॉसचे तीन अवतार दिसणार आहेत, ज्यात ‘दिल’, ‘दिमाग’ और ‘दम’ यांचा समावेश आहे. यासोबतच सलमानने आगामी काळात आणखी अनेक ट्विस्ट आणणार असल्याचे संकेत दिले आहेत, जे आगामी प्रोमोमध्ये पाहायला मिळतील.
