(संगमेश्वर)
चुलत भावाला बागेत कचरा टाकू नका, असे सांगितल्याच्या रागातून वृद्धाला मारहाण केल्याची घटना देवधामापूर – तेलीवाडी (ता. संगमेश्वर) येथे घडली आहे.
पोलिसांनी दिलेल्या माहितीनुसार, हा प्रकार १६ मार्च राेजी दुपारी १२:३० वाजता घडला असून, गाेविंद राजाराम खांडेकर (६२, रा. देवधामापूर-तेलीवाडी) हे मारहाणीत जखमी झाले आहेत.
देवरुख पाेलिस स्थानकात दिलेल्या फिर्यादीनुसार संजय जगन्नाथ सावंत (रा. देवधामापूर-तेलीवाडी) याच्यावर गुन्हा दाखल करण्यात आला आहे.
गाेविंद खांडेकर आणि संजय सावंत हे एकमेकांच्या शेजारीच राहतात. संजय सावंत याचा चुलत भाऊ शिमगाेत्सवासाठी पुण्याहून गावी आला हाेता. गाेविंद खांडेकर यांनी काजूच्या बागेत जेवणाऱ्या पत्रावळी, काेल्ड्रिंक, दारूच्या बाटल्या टाकू नका. समाेरच्या नाल्यात किंवा खड्ड्यात टाका, असे चाकरमान्यांना समजावून सांग, असे संजय याला सांगितले हाेते. चुलत भावाला सूचना दिल्याच्या रागातून संजय याने गाेविंद खांडेकर यांच्या अंगणात येऊन शिवीगाळ केली. तसेच प्लास्टिकच्या पाईपने मारहाण केली. तसेच जिवे मारण्याची धमकी दिली.
या मारहाणीत गाेविंद खांडेकर हे जखमी झाले असून, अधिक तपास पाेलिस करत आहेत.
