पुण्यातील सुप्रसिद्ध ढोलवादन कला अनुभवण्याची सुवर्णसंधी कोसूंब येथे मिळणार

( देवरूख / सुरेश सप्रे)

देवरूख जवळील कोसूंब गावातील श्री देव भडकंबा गणेश मंदिर या ठिकाणी रविवार दिनांक १२ मार्च रोजी कोसूंब ची ग्रामदेवता श्री देवी जुगाई पालखीचे आगमन होणार आहे. त्यावेळी पुणे येथील नावाजलेले रणवाद्य हे ढोल पथक आपली कला सादर करणार आहे. ढोल वादनाची ही कला श्री देव भडकंबा गणेश मंदिर (कोसुंब ) येथे दि.१२ मार्च रोजी सायंकाळी ०७.०० वा. सादर होणार आहे.

या परीसरात असा प्रसिद्ध ढोल पथकाचा कार्यक्रम प्रथमच होणार असल्याने या कार्यक्रमाकरिता सर्व ग्रामस्थांनी मोठ्या संख्येने उपस्थित राहून ढोल वादनाची ही कला पाहणे व अनुभविणेसाठी उपस्थितीत रहावे असे आवाहन आयोजक राकेश शशिकांत जाधव व समस्त सुरंगवाडी, कोसूंब यांनी केले आहे.