(रत्नागिरी)
तालुक्यातील पावस-काझीवाडी येथे २८ जूनला दुपारी बाराच्या सुमारास बेदरकारपणे टेम्पो चालवून एसटीला धडक दिली. या प्रकरणी टेम्पोचालका विरोधात पूर्णगड पोलिस ठाण्यात गुन्हा दाखल करण्यात आला आहे.
प्रतीक जगन्नाथ क्षीरसागर (२४, रा. रत्नागिरी) असे गुन्हा दाखल करण्यात आलेल्या टेम्पो चालकाचे नाव आहे. त्याच्याविरोधात एसटी चालकाने दिलेल्या तक्रारीनुसार बुधवारी दुपारी ते आपल्या ताब्यातील एसटी (एमएच-१४-बीटी-१४१३) घेऊन पावस ते रत्नागिरी असे येत होते. त्याच सुमारास प्रतीक क्षीरसागर हा आपल्या ताब्यातील टेम्पो (एमएच-१०-सीआर-७२४७) भरधाव वेगाने समोरुन येत असताना त्याने एसटीला समोरुन धडक दिली.
