( राजापूर / प्रतिनिधी )
तालुक्यातील सौंदळ पाजवेवाडी येथे परसवात ( कंपाऊंडमध्ये ) पडलेली विद्युत भारीत वायर उचलल्याने वृध्देचा मृत्यू झाल्याची घटना घडली आहे . आशा राजाराम पवार ( ६६. सौंदळ पाजवेवाडी, राजापूर ) असे मृत्यू झालेल्या वृध्देचे नाव आहे . याबाबतची खबर गणेश रमेश कातकर ( २ ९ , सौंदळ , पाजवेवाडी , राजापूर ) यांनी राजापूर पोलीस स्थानकात दिली . पोलिसांनी दिलेल्या माहितीनुसार , आशा पवार या २६ सप्टेंबर रोजी घरात जात असताना परसवात तुटून लोंबकळत असलेली वायर त्यांना दिसली . ही वायर बाजूला करण्याचा प्रयत्न करत असताना बीजेचा जोरदार शॉक लागला आणि त्यातच त्यांचा मृत्यू झाला. पोलीस स्थानकात आकस्मिक मृत्यूची नोंद करण्यात आली आहे .
