(रत्नागिरी / प्रतिनिधी)
मासळी वाहतूक करणाऱ्या आयशर ट्रकने दोन वाहनांना धडक दिली. या अपघातात दुचाकीवरील २३ वर्षाचा युवक जागीच ठार झाल्याची माहिती सूत्रांनी दिली आहे. हा अपघात परटवणे येथील चौकात आज दुपारी एकच्या सुमारास झाला आहे.
या अपघाताची माहिती मिळताच शहर पोलिस, ट्रॅफिक पोलिस घटनास्थळी दाखल झाले आहेत. परटवणे येथील चौकात या दोन्ही गाड्यांची समोरासमोर धडक झाली. मृत तरुण उद्यमनगरहुन साखरतरकडे जात होता. धडक देनारा ट्रक मिरकरवाडा येथून निघाला होता. अपघाताची माहिती परिसरात पसरताच काही मिनिटांत साखरतर येथील ग्रामस्थ मोठ्या संख्येने घटनास्थळी दाखल होत आहे. अपघातग्रस्त दोन्ही गाड्या रस्त्यावर असल्याने वाहनांची दुतर्फा मोठ्या रांगा लागल्या आहेत.
