देशभरात आजकाल अशा काही विचित्र गोष्टी पाहायला मिळत आहेत, ज्याची अनेकांनी कधीच कल्पना केली नसेल.असे अनेक व्हिडिओ सोशल मीडियावर व्हायरल होत असतात. अशाच एका व्हिडिओने नेटकऱ्यांचे लक्ष वेधून घेतले आहे. या व्हिडिओ प्रेमीयुगुल धावत्या बाईकवर रोमान्स करताना दिसत आहेत. हा व्हिडिओ सोशल मीडियावर प्रचंड व्हायरल झाला आहे. या व्हिडिओवर कमेंटचा वर्षाव होताना दिसत आहे.
हे प्रकरण दिल्लीतील मंगोलपुरीजवळ बांधलेल्या आऊटर रिंग रोड फ्लायओव्हरशी संबंधित आहे. व्हिडिओमध्ये मुलगा बाईक चालवत आहे आणि मुलगी त्याच्यासमोर बसली आहे. मुलीने त्याला घट्ट मिठी मारली आहे आणि मुलगा अनेक वाहनांना ओव्हरटेक करताना बेधुंदपणे बाईक चालवत आहे. हा संपूर्ण प्रकार कारमधील एका व्यक्तीने मोबाईलच्या कॅमेऱ्यात कैद केला. तसेच हा व्हिडिओ शेअर करत संबंधित व्यक्तीने जोडप्यावर कायदेशीर कारवाई करण्याची मागणी केली आहे.
Idiot's of Delhi
Time – 7:15pm
Day – Sunday 16-July
Outer Ring Road flyover, Near Mangolpuri@dtptraffic pic.twitter.com/d0t6GKuZS5— 𝖀𝖗𝖇𝖆𝖓 𝖀𝖙𝖘𝖆𝖛 🗨️🦂 (@Buntea) July 16, 2023
हा व्हिडिओ ट्विटरवरील @Buntea नावाच्या आयडीवरून शेअर करण्यात आला आहे. आतापर्यंत जवळपास १ लाख पेक्षा जास्त लोकांनी तो व्हिडिओ पाहिला आहे, आणि आपल्या प्रतिक्रियाही नोंदवल्या आहेत. तर, बऱ्याच लोकांनी या व्हिडिओला लाईक देखील केले आहेत. दिल्ली पोलिसांनी या प्रकरणी कारवाई करण्याच्या सूचना संबंधित अधिकाऱ्यांना दिल्या आहेत.
