(रत्नागिरी)
भारत शिक्षण मंडळाच्या देव, घैसास, कीर वरिष्ठ महाविद्यालयात महाराष्ट्र राज्य व्यवसाय शिक्षण मंडळ व जेट इंडियाच्या आयआयबीएम संस्था व महाविद्यालयाच्या अंतर्गत गुणवत्ता हमी समिती यांच्या संयुक्त विद्यमाने कॅम्पस इंटरव्ह्यूचे आयोजन करण्यात आले होते.
कॅम्पस इंटरव्ह्यू हे हवाई क्षेत्र, ट्रॅव्हल व टुरिझम क्षेत्र अशा विविध १७ क्षेत्रातील जागांसाठी आयोजन करण्यात आले होते. कॅम्पस इंटरव्ह्यू मध्ये महाविद्यालयाच्या आजी व माजी विद्यार्थीनी मोठया प्रमाणावर सहभाग नोंदविला. यामध्ये एकूण १३ विद्यार्थ्यांची निवड करण्यात आली.
कॅम्पस इंटरव्ह्यू सुरु होण्यापूर्वी सुरवातीला जेट इंडियाच्या मॅनेजर सौ. रिंकू पाटील, जेट इंडियाचे करिअर तज्ञ अभिजित लोहकरे व सहकारी यांचे महाविद्यालय व संस्थेच्या वतीने स्वागत करण्यात आले.
आयआयबीएम संस्थेने देखील सहकार्याबद्दल भारत शिक्षण मंडळाचे कार्यवाह सुनिल वणजू, भारत शिक्षण मंडळाचे कार्यकारिणी सदस्य अनंत आगाशे व महाविद्यालयाच्या प्रभारी प्राचार्या सौ. मधुरा पाटील, आयक्यूएसी विभागप्रमुख व उपप्राचार्या सौ.वसुंधरा जाधव यांचे पुष्पगुच्छ व भेटवस्तू देऊन आभार मानले.
सौ रिंकू पाटील यांनी मनोगतातून विद्यार्थ्याना प्रोत्साहीत केले. कार्यवाह सुनिल वणजू, कार्यकारिणी सदस्य अनंत आगाशे, महाविद्यालयाच्या प्रभारी प्राचार्या सौ. मधुरा पाटील यांनी होणार्या मुलाखतीसाठी शुभेच्छापर मनोगते व्यक्त केली. या मुलाखतींचे संपूर्ण नियोजन आयक्यूएसी विभागांतर्गत करण्यात आले होते. विद्यार्थ्यांच्या रजिस्ट्रेशनचे काम सौ. ऋतुजा भोवड यांनी पाहिले. कार्यक्रमाचे प्रास्तविक वैभव घाणेकर यांनी केले.
उद्घाटन कार्यक्रमाचे सूत्रसंचालन सौ.अनन्या धुंदूर यांनी केले व सौ. निलोफर बन्नीकोप यांनी आभार मानले. तांत्रिक सहाय्य विनय कलमकर यांनी केले.
