(देवरुख /सुरेश सप्रे)
देवरूख येथील येथील प्रसिद्ध व्यापारी उदय प्रभाकर पोकळे यांचे चिरंजीव राहुल पोकळे याने जे.एस.एस. कॉलेज ऑफ फार्मसी, मैसूर येथून मास्टर ऑफ फार्मसी (M Pharm ) मध्ये विशेष प्राविण्यासह 98.5% गुण मिळवून विद्यापीठात पहिला येण्याचा मान मिळवत घवघवीत यश संपादन केले आहे.
देवरूखातील जुन्या काळातील व्यापारी प्रभाकर पोकळे व काँग्रेसचे नेते उद्योजक कांता पोकळे यांचा राहूल नातू आहे. प्राथमिक माध्यमिक शिक्षण देवरूखात घेतलेवर त्याने पुढील शिक्षणासाठी तो बंगलोरला गेला होता. त्या विद्यापीठात प्रथम येणारा कोकणातील तो पहिलाच विद्यार्थी असल्याने त्याने जिल्हय़ाचे नावलौकीकातही भर घातली आहे. त्याच्या या यशाचा व कर्तुत्वाचा देवरूखवासीयांना विशेष अभिमान आहे. राहूल याचे या यशाबद्दल सर्वत्र कौतुक व अभिनंदन होत आहे.
