(देवरुख)
न्यू इंग्लिश स्कूल देवरुख, 1988 मधील दहावी च्या माजी विद्यार्थ्यांचे चौथे स्नेहसंमेलन दिनांक 24 आणि 25 डिसेंबर रोजी अपरांत हॉलिडे होम देवरूख येथे संपन्न झाले. या संमेलनाची सुरुवात गणेश पूजनाने झाली. यानंतर नविन सदस्यांनी सर्व मित्र मैत्रिणींना ओळख करून दिली.
दुपारी भजन, फनी गेम्स तसेच रात्री सांस्कृतिक कार्यक्रम पार पडले. सांस्कृतिक कार्यक्रमात धीरज देसाई, संगीता हर्डीकर, राजू जागूष्टे, आणि इतर कलाकारांनी आपल्या कला सादर केल्या. जुन्या आठवणीना उजाळा देण्यासाठी एस टी बुक करुन श्री मार्लेश्वर दर्शन सहलीचे आयोजन करण्यात आले होते. राज्यस्तरावर आपआपल्या क्षेत्रात उत्कृष्ट कामगिरी करणारे शिल्पा भिडे, सीमा जाधव आणि विवेक मुळ्ये यांचा रंग माझा वेगळा या कार्यक्रमात सत्कार करण्यात आला.
संपूर्ण कार्यक्रमाचे सूत्रसंचालन संदीप पवार आणि छाया देसाई यांनी केले. या संमेलनासाठी साठ सदस्य उपस्थित होते. पुढील वर्षी परत एकत्र भेटण्याचे अभिवचन देऊन सर्वांनी एकमेकांचा निरोप घेतला.
