दापोलीमध्ये स्कूल बसला अपघात, विद्यार्थी किरकोळ जखमी

(दापोली / प्रतिनिधी)

दापोली तालुक्यात स्कूल बसला अपघात होऊन विद्यार्थी जखमी झाल्याची घटना आज सोमवार 17 एप्रिल रोजी घडली. संतोषभाई मेहता स्कूलची ही बस पालगडहून विद्यार्थांना घेऊन चालली होती. करांजाणी येथे एका अवघड वळणावर ट्रकने हुलकावणी दिल्याने व पाऊस पडला असल्याने स्कूल बस पलटी झाली. यामध्ये काही विद्यार्थी किरकोळ जखमी झाले. अपघाताची माहिती मिळताच स्थानिक लोक मदतीसाठी धावले. काही विद्यार्थांना मोठ्या कसोशीने बाहेर काढण्यात आले. रस्त्यावरच गाडी आडवी असल्यामुळे एका मार्गाने वाहतूक सुरू होती.