(खेड)
खेड तालुक्यातील दहिवली येथील रस्ता अतिशय खराब झाला असून याकडे स्थानिक लोकप्रतिनिधी, आमदारांनी लक्ष देण्याची मागणी येथील नागरिकांनी केली असून स्थानिक पदाधिकारी या गंभीर प्रश्नाकडे लक्ष देत नसल्याचे दिसुन येत आहे. या प्रमुख रस्त्याचे डांबरीकरण केले जाते. पण, हे काम ठेकेदाराने बरोबर न केल्यामुळे तसेच कामासाठी आवश्यक डांबर कमी वापरल्यामुळे पावसाळ्यात दरवर्षी हा रस्ता खराब होतो. खराब रस्त्यामुळे या मार्गावर धावणारी एसटी बस या मार्गावर सध्या बंद आहे.सध्या या मार्गावरून लोकांना जाण्यास खूप त्रास होत आहे.
दहिवली रस्त्याची आताची परिस्थिती एवढी खराब झाली आहे की, या रस्त्यावर वाहन चालकांना वाहने चालविणेही अवघड झाले आहे. या मार्गावर अपघात होण्यासारखी स्थिती निर्माण झाली आहे. या गंभीर प्रश्नाकडे स्थानिक आमदार योगेश कदम यांनी लक्ष देऊन रस्त्याची दुरुस्ती लवकरच लवकर करून द्यावी, अशी मागणी करण्यात येत आहे. स्थानिक पदाधिकारी या प्रश्नाकडे लक्ष देत नाहीत. व आमदार योगेश कदमांनाही भेटून ही बाब लक्षात आणून देत नाहीत, असेही परिसरातील नागरिकांनी बोलताना सांगितले.
