दगडी चाळ – २ चित्रपटात चिपळुणातील सचिन कांबळे झळकणार

[ चिपळूण/प्रतिनिधी ]

प्रसिद्ध अभिनेता अंकुश चौधरी यांच्या स्टार दगडी चाळ सिनेमा बॉक्स ऑफिसवर प्रचंड गाजला. आता तोच जल्लोष आणि तोच उत्साह घेवून पुन्हा एकदा पडद्यावर दगडी चाळ २ सिनेमा झळकणार आहे. या सिनेमात चिपळुणातील सचिन कांबळे झळकणार आहे. सचिनने या सिनेमात शेट्टी नावाच्या खलनायकाची नकारात्मक भूमिका साकारली आहे. जो मुख्य खलनायकाचा’ सहकारी आहे.

दगडी चाळ २ सिनेमात अभिनेते अंकुश चौधरी, अभिनेते मकरंद देशपांडे आणि अभिनेत्री पूजा सावंत यांनी मुख्य या भूमिका साकारली असून या सिनेमाची तुफान 1. चर्चा आहे. नुकताच खुद्द अरुण गवळी श्री यांच्या हस्ते दगडी चाळ परिसरात दगडी चाळ २ सिनेमाचा ट्रेलर प्रदर्शित करण्यात आला. हा सिनेमा १९ ऑगस्टला प्रेक्षकांच्या भेटीला येणार आहे. डॅडी उर्फ अरुण गवळी आणि अंडरवर्ल्ड एकेकाळी समीकरणच -बनले होते. हे समीकरण दगडी चाळ सिनेमाच्या माध्यमातून पडद्यावर आले आहे. दगडी चाळ नंतर आता दगडी चाळ २ प्रेक्षकांच्या भेटीला येत आहे. चिपळुणातील सचिन कांबळे याने या सिनेमात भूमिका साकारल्याने त्याच्या मित्र परिवारासह सर्वांनाच या सिनेमाची उत्सुकता लागली आहे. सचिनने यापूर्वी नाटक आणि मालिकांमध्ये भूमिका साकारल्या आहेत. सध्या तो झी मराठी वाहिनीवरील नवा गडी नवे राज्य या मालिकेत भूमिका साकारत आहे. विशेष म्हणजे सचिनने गोंधळ हा मराठी सिनेमा केला असून त्यात त्याने प्रमुख भूमिका साकारली आहे. लवकरच हा सिनेमा प्रेक्षकांच्या भेटीला येणार आहे.