(पाचल / तुषार पाचलकर)
डॉ बाबासाहेब आंबेडकर नागरी सह. पतसंस्थेच्या वर्धापनदिन व सभासद प्रशिक्षण कार्यक्रम उद्या शनिवारी सकाळी 10:30 वाजता ग्रामपंचायत इमारत पाचल येथील स्वा. से.कै गो.नारकर सभागृहात संपन्न होणार आहे. या कार्यक्रमाला प्रमुख मार्गदर्शक म्हणून राजापूर अर्बन कॉ.ऑप.बँक. लि. राजापूरचे मुख्य कार्यकारी अधिकारी श्री शेखरकुमार आहिरे उपस्थित राहणार आहेत.
सदर कार्यक्रमाला राजापूर तहसीलदार श्रीम. शीतल जाधव यांची प्रमुख पाहुणे म्हणून तर राजापूर सहाय्यक निबंधक श्री खडसे, पाचल ग्रामपंचायत सरपंच बाबालाल फरास, उपसरपंच आत्माराम सुतार यांची प्रमुख उपास्थिती असणार आहे. तरी या कार्यक्रमाला व प्रशिक्षण शिबिराला पतसंस्थेच्या सभासद, ठेवीदार, हितचिंतक यांनी उपस्थित राहून हा कार्यक्रम यशस्वीरीत्या पार पाडण्याचे आवाहन पतसंस्थेच्या संचालक मंडळाने केले आहे.
