(रत्नागिरी)
शहरानजीकच्या टीआरपी येथील मातृछाया पेट्रोलपंपाजवळ पूर्ववैमनस्यातून एकाला मारहाण केल्याची घटना 27 मार्च रोजी दुपारी 12.20 वा. च्या सुमारास घडली. या मारहाणीत तरुण जखमी झाला. त्याला सिव्हील हॉस्पिटलमध्ये दाखल करण्यात आले आहे.
याबाबतची फिर्याद महेश श्रीपत धोेत्रे (30, समर्थ अपार्टमेंट शांतीनगर, रसाळवाडी) याने शहर पोलिस स्थानकात दिली. धोत्रे हा टीआरपी येथील मातृछाया पेट्रोल पंपाजवळ होता. यावेळी सुरज वाघाटे याने पूर्वीच्या रागातून रिक्षातील जॅक काढून धोत्रेच्या अंगावर धावत जात हातातील जॅक खांद्यावर मारला. यावेळी धोत्रे खाली पडला व त्याला हाताच्या थापटाने मारहाण करत पुन्हा शिवीगाळ केली.
याबाबतची तक्रार महेश धोत्रे याने रत्नागिरी शहर पोलीस स्थानकात दिली. त्यानुसार सुरज वाघाटे याच्यावर भादविकलम 324, 323, 504, 352 नुसार गुन्हा दाखल करण्यात आला. याबाबतचा अधिक तपास पोलीस हवालदार जाधव करत आहेत.
