ज्येष्ठ गायिका आशा भोसले यांना लता दीनानाथ मंगेशकर पुरस्कार

(मुंबई)

यंदाचा ‘लता दीनानाथ मंगेशकर’ पुरस्काराची घोषणा करण्यात आली असून, ज्येष्ठ गायिका आशा भोसले या पुरस्काराच्या मानकरी ठरल्या आहेत. दरम्यान विद्या बालन, पंकज उदास, प्रसाद ओक यांच्यासह अनेकांना मास्टर दीनानाथ मंगेशकर पुरस्कार जाहीर करण्यात आला असून, गायिका उषा मंगेशकर यांनी या पुरस्कारांची घोषणा केली. 24 एप्रिल रोजी मास्टर दीनानाथजींच्या स्मृतिदिनी मुंबईतील सायन येथील श्री षण्मुखानंद हॉलमध्ये हा सोहळा होईल.