(संगलट / इक्बाल जमादार)
लाखनी जिल्हा भंडारा येथे सी.बी.एस.ई. साऊथ झोन बॉक्सिंग स्पर्धा संपन्न झाल्या. सदर स्पर्धेमध्ये महाराष्ट्र, गोवा, कर्नाटक आणि केरळ राज्यातुन ३५० हुन अधिक खेळाडूंनी सहभाग घेतला होता. सदर स्पर्धेमध्ये ज्ञानदीप इंग्लिश मिडीअम स्कूल (सी.बी.एस.ई.) मोरवंडे-बोरज मधील विद्यार्थ्यांनी ८ पदकांची कमाई केली आहे त्या मध्ये ४ रौप्य व ४ कांस्य असे एकूण ८ पदक प्राप्त केले.
सुवर्ण व रौप्य पदक प्राप्त विद्यार्थ्यांची महिंद्रगड (हरियाणा) येथे होणाऱ्या राष्ट्रीय बॉक्सिंग स्पर्धेसाठी निवड झाली. यामध्ये रौप्य पदक प्राप्त विद्यार्थी १. पृथा तोडकरी २. समृद्धी भोसले ३. यश किल्लेकर ४. अथर्व जमदाडे. कांस्य पदक प्राप्त विद्यार्थी १. अनुज भोजने २. समर्थ भोसले ३. खुशी चाळके ४.मैथिली मोहिरे यांनी प्राप्त केले. या सर्व खेळाडूंना क्रिडा शिक्षक आशिष देशमाने यांचे मार्गदर्शन लाभले.
प्रशालेचे प्राचार्य श्री. भरत मोरे, संस्थेचे अध्यक्ष श्री. अरविंद तोडकरी, उपाध्यक्ष डॉ. रमणलाल तलाठी, सरचिटणीस श्री. माधव पेठे, स्कूलचे व्यवस्थापक व संस्थापक सरचिटणीस श्री. प्रकाश गुजराथी, चेअरमन प्रफुल्ल महाजन, चंदनशेट पाटणे, अनिल शिवदे व इतर संस्थापक सदस्यांनी शुभेच्छा दिल्या.
