(रत्नागिरी)
रत्नागिरीतील आठवडा बाजार येथील जिल्हा शिवसेना कार्यालय येथे इन्फिगो आय केअर हॉस्पिटल व जिल्हा शिवसेना प्रणित रिक्षा, टॅक्सी विदयार्थी वाहतूक सेना यांच्या संयुक्त विद्यमाने आज दि. ०९ जुलै रोजी मोफत नेत्र तपासणी शिबिराचे आयोजन करण्यात आले होते.
या संघटनेचे जिल्हाध्यक्ष, शिवसेना पक्षाचे उपनेते, राजापूर-लांजा-साखरपा मतदार संघाचे आमदार डॉ.राजन साळवी यांचे जन्मदिनाचे औचित्य साधुन मोफत नेत्रतपासणी शिबीर हा सामाजिक उपक्रम शिवसेना जिल्हा कार्यालय आठवडा बाजार येथे राबविण्यात आला. कार्यक्रमाला शिवसेनेचे सर्व पदाधिकारी, कार्यकर्ते व त्यांच्या कुटुंबीयांनी उत्स्फुर्तपणे मोठ्या संख्येने उपस्थित राहून नेत्र तपासणी शिबिराचा लाभ घेतला.
