(रत्नागिरी)
जिल्हा परिषद सेवक सहकारी पतसंस्था रत्नागिरीची पंचवार्षिक निवडणुकीचे बिगुल वाजले असून मागील निवडणुकी प्रमाणेच परिवर्तन पॅनल विरुद्ध सहकार पॅनल अशीच लढत होणार असून परिवर्तन पॅनलने जोर धरला आहे. गेल्या वेळी 16 पैकी 10 जागा निवडून आणून 50 वर्ष नंतर आपले अस्तित्व निर्माण केले होते आणि सहकारची असलेली एकहाती पकड सैल केली होती.
मागील पाच वर्षात अनेक चांगले निर्णय घेऊन परिवर्तनचा ठसा मजबूत केला आहे. त्यामुळे परिवर्तनचे पारडे जड असल्याचे बोलले जात आहे. परिवर्तन पॅनलच्या वतीने प्रचाराचा शुभारंभ काही दिवसापूर्वी चिपळूण तालुक्यातून करण्यात आला होता. सुकाई देवीच्या प्रांगणातून प्रचाराचा नारळ फोडण्यात आला असून प्रचाराचे बिगुल वाजले आहे. या निवडणुकीत सर्व ठिकाणी उमेदवार उभे असून प्रचाराला जोरात सुरुवात करण्यात आली आहे.
