(रत्नागिरी)
रत्नागिरी सिटी बॅडमिंटन असोसिएशन आयोजित जिल्हास्तरीय बॅडमिंटन स्पर्धा १९/२० नोव्हेबरला रत्नागिरी मध्ये घेण्यात आल्या. ११ते १९ वयोगटात भरविण्यात आलेल्या या स्पर्धेत दीडशे पेक्षा अधिक स्पर्धक जिल्ह्यातून सहभागी झाले होते.
या स्पर्धेत १९वर्ष खालील गटात रत्नागिरी चा सिद्धेश मंगेश फणसेकर विजयी झाला. त्याचे या वर्षीचे हे वैयक्तिक सलग दुसरे जिल्हास्तरीय बॅडमिंटन विजेतेपद असून अभ्यंकर कुळकर्णी ज्युनिअर कॉलेज कडून खेळताना त्याने याच महिन्यात सांघिक जिल्हास्तरीय विजेतेपद मिळवले आहे. लवकरच त्याचा संघ विभागीय स्पर्धेमध्ये सहभागी होणार आहे.
त्याच्या या यशामुळे सर्वांकडून त्याचे कौतुक आणि अभिनंदन केले जात आहे. सिद्धेश ने मिळवलेल्या या यशामधे त्याचे प्रशिक्षक विनीत पाटील यांचा मोठा वाटा आहे. सिद्धेश ला पुढील वाटचलीसाठी सर्व स्तरातून शुभेच्छा देण्यात येत आहेत.
