( संगमेश्वर / मकरंद सुर्वे )
कलाध्यापक व जिंदल (JSW ) कंपनीच्या सहयोगातून घेण्यात आलेल्या जिल्हास्तरीय चित्रकला स्पर्धेत महाराष्ट्र उर्दू हायस्कूल कडवई येथील नविद रिजवान कारीगर याने ‘ब’ गटामध्ये प्रथम क्रमांक पटकावला. या स्पर्धेत साडेतीन हजारापेक्षा अधिक स्पर्धकांनी सहभाग घेतला होता. या स्पर्धेचे पारितोषिक वितरण उपशिक्षणाधिकारी नरेंद्र गावंड यांच्या शुभहस्ते जिंदल कंपनीच्या सभागृहात चित्रकला स्पर्धेचे पारितोषिक आणि प्रमाणपत्र देऊन सत्कार करण्यात आला.
यावेळी (JSW) जिंदलचे हेड पदान्ना सी.आर झेड प्रमुख अनिल दधीच कलाध्यापक संघटनेचे पदाधिकारी उपस्थित होते. तसेच रत्नागिरी जिल्हा कला अध्यापक संघाचे अध्यक्ष श्री इम्तियाज शेख व शाळेचे मुख्याध्यापक श्री रिजवान अ नबी कारीगर या कार्यक्रमाला उपस्थित होते.
या यशाबद्दल संस्थेचे अध्यक्ष सादिक काझी, उपाध्यक्ष डॉक्टर अन्सार जुवळे, लोकल कमिटीचे चेअरमन अफसर खान, जमातून मुस्लिम कडवईचे चेअरमन सिकंदर जुळले व शिक्षक वृंद व ग्रामस्थांनी या यशाबद्दल नविद कारिगर याचे अभिनंदन केले व पुढील वाटचालीसाठी शुभेच्छा दिल्या. तसेच शाळेचे मुख्याध्यापक रिजवान अ.नबी कारीगर, मार्गदर्शक कला शिक्षक श्री. विशाल धनावडे यांचेही यावेळी अभिनंदन केले .
