(रत्नागिरी)
रत्नागिरी एज्युकेशन सोसायटी संचलित सौ. गोदूताई जांभेकर विद्यालयाची विद्यार्थिनी सेजल सुभाष जाधव हिने चमकदार कामगिरी केली आहे. सेजलने जिल्हास्तरीय कॅरम स्पर्धेत यश संपादन केले आहे. शालेय शिक्षण विभागाच्या वतीने जिल्हास्तरीय शालेय कॅरम स्पर्धा झाली. तिची विभागस्तरीय स्पर्धेसाठी निवड करण्यात आली आहे.
शालेय शिक्षण विभागाच्या वतीने जिल्हास्तरीय शालेय कॅरम स्पर्धा घेण्यात आल्या होत्या. यामध्ये सेजल जाधवने चांगलीच चमकदार कामगिरी करत विजेपेपद मिळवले आहे. सेजल ही एक उत्कृष्ठ कबड्डीपट्टू देखील आहे. रत्नागिरीतील मिरजोळे युवक महिला कबड्डी संघातून चमक दाखवत असते. अवघ्या बारा वर्षाची सेजल जाधव कॅरम खेळासह कबड्डी संघातही चांगली कामगिरी करत असल्याने भविष्यात रत्नागिरीकरांना तिच्याकडून खूप अपेक्षा आहेत. जिल्हास्तरावर कॅरम स्पर्धेत तिने आपल्या शाळेचे नाव उंच्चावल्याने प्रशालेचे प्रभारी मुख्याध्यापक अनिल चव्हाण व सर्व शिक्षक, शिक्षकेतर कर्मचारी यांनी तिचे अभिनंदन केले आहे
