(तरवळ / अमित जाधव)
रत्नागिरी तालुक्यातील ज्ञानमंदिर विद्यालय आगरनळ मधील इंग्रजी विषयाचे सहाय्यक शिक्षक श्री. उत्तम रामचंद्र देशमुख व सौ. उज्वला उत्तम देशमुख यांचे ज्येष्ठ चिरंजीव डॉ.किरण देशमुख यांनी युरोपमधील जॉर्जिया देशातील’ Grigol Robakidze Medical University Tbilisi’ या विद्यापीठातून MBBS ही वैद्यकीय पदवी उच्च श्रेणीत डिसेंबर २०२२ मध्ये उत्तीर्ण केली.
भारतात आल्यानंतर अल्पावधीतच जानेवारी, 2023 मध्ये National Medical Council मार्फत घेतली जाणारी भारत सरकारची FMGE (परदेशी वैद्यकीय पदवी परीक्षा) ही उत्तीर्ण केली.
डॉ. किरण देशमुखचे माध्यमिक शिक्षण तात्यासाहेब मुळ्ये माध्यमिक विद्यालय, जाकादेवी तसेच जवाहर नवोदय विद्यालय, राजापूर येथे झाले. त्यांनी संपादन केलेल्या या यशाबद्दल मालगुंड एज्युकेशन सोसायटीच्या तात्यासाहेब मुळ्ये माध्यमिक विद्यालय, जाकादेवी मार्फत त्याचा सत्कार दिनांक 15 फेब्रुवारी 2022 रोजी मा. प्रांताधिकारी डॉ.विकास सूर्यवंशी यांच्या हस्ते तसेच मालगुंड एज्युकेशन सोसायटीचे अध्यक्ष श्री.सुनिल ऊर्फ( बंधु )मयेकर यांच्या उपस्थितीत करण्यात आला. तसेच मराठा बांधव जाकादेवी मार्फतही 19 फेब्रुवारी 2023 रोजी त्याचा यथोचित सत्कार करण्यात आला.
रत्नागिरी जिल्ह्यातील ग्रामीण भागातील डॉ.किरण देशमुख यांचे हे यश अनेक विद्यार्थ्यांना प्रेरणा देणारे असल्याने त्याचे सर्वत्र कौतुक होत असून त्याच्यावर अभिनंदनाचा वर्षाव होत आहे.
