( खंडाळा / प्रणय मांजरेकर )
तालुक्यातील जयगड – खंडाळा मार्गावरील चाफेरी फाटा येथे गुरुवार सकाळी 7.30 वाजण्याच्या दरम्यान ट्रकला अपघात झाला. या अपघातात ट्रकची पुढची चाके तुटली. सुदैवाने यामध्ये कोणतीही जीवितहानी झाली नाही.
सविस्तर वृत्त असे की, जयगडहून रत्नागिरीच्या दिशेने कोळसा घेऊन ट्रक चालक चालला होता. चाफेरी फाटा येथे आल्यावर ट्रक चालकाला झोप अनावर झाली. साईट पत्तीवरून ट्रक बाहेर गेल्याचे लक्षात येताच ट्रक चालकाने जोराचा ब्रेक लावला. त्याबरोबर ट्रक थांबला. मात्र या ट्रकची पुढची दोन चाके तुटून पडली आहेत. मात्र सुदैवाने ट्रक गटार कलांडताना थोडक्यात बचावला.
