(चिपळूण)
शहरातील पाग येथे पोलिसांनी धाड टाकून तरुणाकडून ६४४ ग्रॅम २७ हजार रुपये किंमतीचा गांजा जप्त केला आहे. ही घटना गुरुवारी घडली. या प्रकरणी एका तरुणाला अटक केली आहे.
अमित चंद्रकांत लटके (पाग) असे अटक केलेल्याचे नाव आहे. पाग येथे विक्रीसाठी ६४४ ग्रॅम गांजाचा साठा असल्याची माहिती पोलिसांना समजली होती. त्यानुसार पोलिसानी अमित लटकेच्या घराच्या परिसरातील एका जनावरांच्या गोठ्यात तपासणी केली असता २७ हजार ८८० रुपये किमतीचा ६४४ ग्रॅम गांजा आढळला. याप्रकरणी लटकेला पोलिसांनी ताब्यात घेत अटक केली.
या प्रकरणी संशयित तरुणाला येथील न्यायालयात हजर केले असता १ दिवसाची पोलिस कोठडी सुनावण्यात आली.
