( चिपळूण/ प्रतिनिधी )
चिपळूण – संगमेश्वर विधानसभा मतदारसंघाचे लोकप्रिय आमदार माननीय श्री. शेखरजी निकम सर यांच्या प्रमुख उपस्थितीत मोठ्या उत्साहात पार पडली.
चिपळूण कोंडमळा येथे आमदार चषक 2022 अशी ही जिल्हास्तरीय नांगरणी स्पर्धा घेण्यात आली. सामूहिक शेत लावणी व नांगरणी स्पर्धा युवा वर्गाचा शेतीकडे कल वाढावा यासाठी गेल्या काही वर्षांपासून कोकणात पावसाळ्यात अशा स्पर्धांचे आयोजन केले जाते. यासाठी शेतकरी वर्गाचा उत्साह हा पाहण्यासारखा असतो जो तो आपले याबाबते कसब योग्य पद्धतीने दाखवत असतो यासाठी बैलांची चांगल्या प्रकारे काळजी घेतली जाते व त्यांना उत्तम प्रकारचे सराव करुन घेऊन या स्पर्धेसाठी सज्ज केले जाते, अन हे पाहण्यासाठी तालुक्यातील लोकांची मोठ्याप्रमाणात गर्दी असते जनूकाही एक वेगळाच शेतीत्सोव साजरा व्हावा तसा.
या स्पर्धेत गावठी बैल जोडी प्रकारात साहिल चाळके तर घाटी बैलजोडी प्रकारात दिलीप चिले यांच्या बैलगाडीने प्रथम क्रमांक पटकावला. यामध्ये गावठी बैल जोडी प्रकारात प्रथम क्रमांकासाठी सात हजार द्वितीय क्रमांकासाठी पाच हजार, तृतीय क्रमांकासाठी तीन हजार तर चौथ्या क्रमांकासाठी एक हजार रुपयांचे पारितोषिक ठेवण्यात आले होते. घाटी बैलजोडी प्रकारात प्रथम क्रमांकासाठी आठ हजार, द्वितीय क्रमांकासाठी सहा हजार, तृतीय क्रमांकासाठी चार हजार तर चौथ्या क्रमांकासाठी दोन हजार रुपयांचे पारितोषिक ठेवण्यात आले होते. या स्पर्धेत गावठी बैल जोडी प्रकारात दुसरा क्रमांक अमोल जाधव तिसरा क्रमांक हुमणे गुरुजी, तर चौथा क्रमांक रमेश बारकू बाईत यांनी पटकावला. घाटी बैलजोडी प्रकारात दुसरा क्रमांक मनोहर चाळके तिसरा क्रमांक अमित पवार तर चौथा क्रमांक मारुती ओकटे यांच्या बैलजोडीने पटकावला. ही स्पर्धा पाहण्यासाठी चिपळूण तसेच संगमेश्वर तालुक्यातील शेतीप्रेमी नागरिक मोठ्या संख्येने उपस्थित होते.
