( चिपळूण )
शहरातील मार्कंडी येथे फॅमिली स्टोअर्स या दुकानात वेगाने कार घुसली. नागरिकांची धावपळ उडाली. या घटनेत दुकानासह कारचे मोठं नुकसान झाले असून, एक तरुण जखमी झाला.
शहरातील बहादूर शेख नाक्याहून चिंच नाक्याकडे वॅगनर कार घेऊन जात असताना कार चालकाचा ताबा सुटल्याने तो विरुद्ध दिशेला जाउन आदळला. त्यानंतर मार्कंडी येथे चौकातील फॅमिली स्टोअर्सकडे गाडी अचानक वळली. यामध्ये दुकानातील फर्निचरचे व दर्शनी भागातील मालाचे नुकसान झाले. तसेच दुकानासमोर उभ्या असलेल्या एका तरुणाच्या हाताला गंभीर दुखापत झाली.
त्याला तत्काळ नजीकच्या खासगी रुग्णालयात नेऊन उपचार करण्यात आले. तसेच अपघातग्रस्त कारचेही मोठे नुकसान झाले आहे. या घटनेनंतर मार्कंडी चौक परिसरात नागरिकांनी गर्दी केली होती.
