(खेड / भरत निकम)
देशासाठी अभिमानाची चांद्रयान ३ ही मोहीम ‘याचदेही याचडोळा’ पाहण्यासाठी छत्रपती शिवाजी महाराज चौक, वैश्य वाणी सभागृह व भाजप कार्यालयात याचे थेट प्रक्षेपण दाखविले. यासाठी मोठ्या स्क्रीनवर हे प्रक्षेपण अनेक खेड वासीयांनी पाहण्याचा आनंद घेतला. हि मोहीम देशवासीयांसाठी अभिमानाची होती. सुरुवातीपासून ते मोहिम यशस्वी होईपर्यंत हे प्रक्षेपण दाखविले.
चांद्रयान ३ चंद्रावर उतरल्यावर सर्वांनी एकमेकांचे अभिनंदन करत अक्षरशः मिठी मारत हा आनंद व्यक्त केला. मनसेच्यावतीने तर ढोल ताशा वाजवून हा आनंदाचा क्षण उपस्थित विद्यार्थ्यांच्या सोबत साजरा केला. तसेच मनसेचे राज्य सरचिटणीस वैभव खेडेकर यांनी छत्रपती शिवाजी महाराज चौकात उपस्थितांना पेढे आणि मिठाईचे वाटप करुन इस्त्रोच्या सर्व शास्त्रज्ञांचे अभिनंदन केले. तसेच भारतीय झेंडा उंचावून उपस्थितांसमोर आनंदाचा क्षण साजरा केला.
भाजप कार्यालयात एलईडी स्क्रीन लावण्यात आला असल्याने तिथे ही आनंद व्यक्त केला गेला. तसेच रोटरी स्कूलच्या वतीने वैश्यभवन येथे लाईव्ह शोने हा सोहळा दाखविण्यात आला होता. तेथेही हा आनंद व्यक्त करण्यात आला. खेड, दापोली व मंडणगड चे आमदार योगेश कदम, माजी आमदार संजय कदम यांनी विविध ग्रुपमार्फत तालुकावासीय यांना शुभेच्छा दिल्या आहेत.
